மறக்க முடியுமா?

மறத் தமிழா!

மன்னர் காத்த சங்கத் தமிழை

மங்கையரும் கற்ற கீழடித் தமிழை

முறை தந்த தொல்காப்பியத் தமிழை

முப்பாலில் நெறி சொன்ன குறள் தமிழை

மொழியால் வாழும் வழி தரும் இலக்கியத் தமிழை

மெய் சிலிர்க்கும் உவமை கூறும் கவிதைத் தமிழை

மேற்குலகம் கூட அரியணை அமைத்து -

மேன்மை பெறக் காக்கும் முத்தமிழை

மழலையிலும் அமிழ்தான அழகுத் தமிழை

மா நிலத்தின் மூச்சாம் தாய்த் தமிழை

மயக்கத்தால் - பிற மொழி மயக்கத்தால்

மறக்க முடியுமா? - மனச்சாட்சியைக் கேள்!