மனைவியல்ல! மனதுக்குப் பிடித்தவள்!

தந்தைப் பாசம் நிஜமென நினைத்தேன்

பணம் வந்ததும் பத்தும் பறந்தது!

சகோதரப் பாசம் நிலையென நினைத்தேன்

அவர் மனைவியர் வர அதுவும் அறுந்தது!

பிள்ளைப் பாசம் பெரிதென நினைத்தேன்

காட்டிய கண்டிப்பு அதையும் காவு வாங்கியது!

தகப்பனாய் தமையனாய் காதலனாய் கணவனாய்

பாசக் கயிற்றால் என்னைக் கட்டி அணைத்தது நீ மட்டுமே!

எல்லை தாண்டிப் பறந்து திரிந்து களித்த வேளையில்

தீராத் தொல்லை தர வந்தது அந்தக் கேள்வி

மறு ஜென்மத்திலும் இவளே மனைவியாகலாமா?

"வேண்டாம்" என்றாய். செத்து விட்டேன்

ஜடமான பின்னும் சாத்தியமாய்ச் சொல்கிறேன்

மறு ஜென்மத்தில் யாருக்கோ

மகளாய் சகோதரியாய் தாயாய் இருந்தாலும்

உனக்கே மனைவியாய், இல்லை இல்லை

உன் மனதுக்குப் பிடித்தவளாய் இருக்க வேண்டும்!