பாரதி நினைவு நாள் பா

பாரதி - பாரதத்தின் தீ

தேச பக்தி வளர்த்த தென்னவன்

சாதி இருள் அகற்றிய ஜோதி

மடமை கொளுத்திய மகாத்மா

பெண்மை போற்றிய பேராண்மை

காளியின் கடும் பக்தன்

கண்ணம்மாவின் காதலன்

குருவிக்குத் தந்தவன்

குடும்பத்தை மறந்தவன்

கன்னித் தமிழின் கனிவான தோழன்

மாநிலம் போற்றும் மகாகவி! - இப்படிக்

கொட்டிக் கிடக்கும் பெருமைகளைக்

கொஞ்சமாவது அறிந்திருந்தால்

கோயில் யானை மிதித்திருக்காது

கொள்ளிப்போடக் கூடியிருப்போம்

குறை கொண்டோம்! மன்னிப்பாயா?