பெண்மை...............

பூமி போல - பெரும் பொறுமையுடையது!

ஒளவை போல - பேரறிவு கொண்டது!

மலாலா போல - பேதமை இல்லாதது!

ஜீஜாபாய் போல - அறம் காப்பது!

வேலு நாச்சியார் போல - வீரம் நிறைந்தது!

Dr.முத்துலட்சுமி போல - கற்றுத் தெளிவது!

என் பாட்டி போல - காரியம் முடிப்பது!

கிரண் பேடி போல - குற்றம் களைவது!

குடிகாரரையும் திருத்தும் - ஆற்றல் மிக்கது!

இக்கால இளையோர் போல - சாதிக்க வல்லது!

ISISலிருந்தும் தப்பும் - சாமர்த்தியம் மிக்கது!

அன்னை தெரசா போல - தாய்மைப் பண்புடையது!

ஊரார் பிள்ளை ஊட்டி வளர்க்கும்! - தன்னலம் அற்றது!

செல்ல மகளாய் - இன்பம் தருவது!

அம்மா போல - அன்பின் இலக்கணமது!

அதிகாரத்திற்கல்ல! - அன்பிற்கே அடங்குவது!

சிறிது ஆணுக்குள்ளும் இருப்பது! – ஆனால்

ஆண்மையுடனான போட்டியல்ல!

ஆண்மைக்குச் சமமுல்ல! - அதனினும் சாலச் சிறந்தது!!

புரிந்து மதித்தால் - சாதுவாம் அது!

மீறி மிதித்தால் மிரளும்!! - பின் காடு கொள்ளாது!!

பெண்மை…..போற்றலினும் புரிதல் நன்று!!!!