பெண்ணே கேள்!

பிஞ்சை வதைக்கும் நஞ்சு அவர்

பிணந்தின்னும் பேய்கள் அவர்

நல்லவர் போல் திரியும் நயவஞ்சகர் அவர்

அறியாச் சிறுமியையும் ஆசை நாயகியாக்கும் அரக்கர் அவர்

இருபதிலும் இருப்பர், அறுபதிலும் அலைவர்

காமம் ஒன்றே குறி அவர்க்கு

கொடிய மிருகம் என்பர் அவரை

நான் மறுக்கிறேன்!

பிள்ளையைப் புணர்ந்த மிருகத்தைக்

கண்டதுண்டா? கேட்டது தானுண்டா?

தப்பிக்கும் வழியுண்டு கேளீர்.....

குழந்தையே! good touch, bad touch தெரிந்து கொள்

குமரியே! பொறுப்பாய் உடுத்து, பத்திரமாய் இரு - என்று

பெண்ணுக்கே புத்தி சொல்கிறது

ஆணுக்குச் சொல்ல வக்கற்ற உலகம்!