பெண்ணே - எழுந்து வா!!!
- ஜெயா மாறன்

- Apr 6, 2020
- 1 min read
கல்வி கற்று விட்டோம் - சிந்திக்கத் தொடங்குவோம்!
உயரம் தொட்டு விட்டோம் - நலிந்தோரைத் தூக்குவோம்!
இனியொரு அனிதா சாகக் கூடாது!
ஆணுக்குச் சமமாகி விட்டோம் - அவர் குறையும் அகற்றுவோம்!
போராடத் துணிந்து விட்டோம் - பலம் பெறுவோம்!
இனியொரு ஹாசினி கருகக் கூடாது!
சுதந்திரம் அடைந்து விட்டோம் - சாதியை ஒழிப்போம்!
அதிகாரம் நம் கையில் - அடிமைத்தனம் அழிப்போம்!
இனியொரு கௌசல்யா விதவையாக்கப்படக் கூடாது!
பேச்சுத்திறம் பெற்று விட்டோம் - இனிப் புறணியே வேண்டாம்!
பெண்ணே - பெண்ணினம் தழைக்கச் செய்ய வேண்டும்!!!
ஒன்றாய்த் துளிர்வோம் - ஒளியாய் ஒளிர்வோம்!
நமக்கான அரியணையை நாமே அமைப்போம்!!!


Comments