நெஞ்சிருக்கும் வரை

நெஞ்சே நெஞ்சே நீச நெஞ்சே

நன்றாய் ஒன்றும் நினையாய் நீ!

கண்டதை நினைத்துக் கனக்கும் நெஞ்சே

நாளும் பொழுதும் துயரம் உன்னால்!

நீ தான் எனக்கு அடிமை என்றாலும்

நானே உனக்கு அடிமையாவது ஏன்?

நல்லவை கேட்டு நன்றே கற்றாலும்

நஞ்சையே நினைக்கும் நீச நெஞ்சே…..

மறக்கப் பழக்குவேன் உன்னை!

தீதும் நன்றென்று மாயம் செய்வேன் உன்னிடம்!

ஆணையிடுவேன்! அரசன் நான் உனக்கு

பனி போல் உருகிப் பயந்திட வேண்டும் நீ

பாவச் சுமைகள் இறக்கிட வேண்டும்

பறவை இறகாய் இருந்திட வேண்டும்

பகவான் உறையுமிடம் நீ! - உணர்ந்திட வேண்டும்

பாசம் மட்டுமே நிறைந்திட வேண்டும்!!!