கெட்டி மேளம் கொட்டுற கல்யாணம்!

ஜாதகம் பார்த்து ஜோடி சேராம

மாதர் மனம் பார்த்துச் சேர்வதே கல்யாணம்!

காற்ற கல்வி துணையிருக்க

மற்ற சீதனம் மறுப்பதே கல்யாணம்!

என் சொந்தம் உன் சொந்தம் ஆகிடணும்

என இருவரும் நினைப்பதே கல்யாணம்!

ஊர் மெச்சச் செய்யாமல் - உறவினர்

உள்ளம் நிறையச் செய்வதே கல்யாணம்!

இருபது வகைப் பலகாரங்களை

இலையோடு போக்குவதில்லை கல்யாணம்!

சாதி மறுத்து அறம் வளர்க்கச் சேர்வதே

ஆதி தமிழன் சொன்ன கல்யாணம்!

வெட்டிவிடும் வேலை இனி இல்லை - இது

கெட்டி மேளம் கொட்டுற கல்யாணம்!