உச்சக்கட்ட தண்டனை!!!

இன்றைய அலுவலகப் பயணம் இனிதாக இல்லை!

பத்து நிமிடத் தூக்கம் தந்த படிப் படியான தண்டனைகள்! என்ன சாலையில் இவ்வளவு கூட்டம்? எல்லோரும் என்னைப் போலவே தூங்கிவிட்டனரா? பள்ளிப் பேருந்து வேறு வருகிறதே!

பாவம் இந்தப் பச்சைப் பிள்ளைகள் தலை விதியென அவர்களும் அரசாங்க விதியென நானும் நிற்க, அவர்களை அள்ளிச் சென்றது பேருந்து! சிவப்பு விளக்கைப் பார்த்த போதெல்லாம் சிடு சிடுவெனக் கோபம் வந்தது! விரைவுச் சாலையை அடைந்தால் வண்டிகள் சாரை சாரையாய் நின்றன! வேகக் கட்டுப்பாட்டை யும் மீறி - கிடைத்த வெளியிலெல்லாம் புகுந்து புகுந்து சென்று அலுவலகத்தை அடைந்ததும் உணர்ந்தேன்! அடையாள அட்டை இல்லை என்பதை!! உள்ளே நுழைய முடியாது என்பதை!!! உறக்கம் தந்த உச்சக்கட்ட தண்டனை!