அன்புள்ள சுப.வீ. ஐயா அவர்களுக்கு,

அறிஞராம் அவர் - அண்ணாவை அறிந்ததில்லை - நான்

கழகத் தமிழுரைத்த கலைஞரைக் கற்றதில்லை - நான்

வள்ளுவனும், கம்பனும், பாரதியும் கைக்கெட்டவில்லை எனக்கு

மொத்தத்தில் தமிழே தள்ளி வைத்த தமிழச்சி - நான்

பெண்ணாய்ப் பிறந்துவிட்டேன்

இந்த பாழும் உலகில்

என் பாட்டன் பெரியாரைப் பார்த்ததில்லை

அவர் அள்ளிப் போட்ட பிச்சையில் நிற்கிறேன் இன்று;

நான் தொலைத்த தத்தனையையும் எனக்களித்த அன்பு அப்பாவே!

என் தந்தைக்கும் மேலாக அறிவை அணு அணுவாய்

எனக்கு ஊட்டிய பாசத் தந்தையே!

உம்மைச் சுவீகாரம் எடுத்துக்கொண்டேன் என் தகப்பனாய்!

நீர் பெற்ற மகளிருந்தும் இந்தப் பேதையை இன்னொரு

மகளாய் ஏற்பீர் என நம்புகிறேன்! ஏங்குகிறேன்!

சந்தேகத்துக் கிடமில்லாமல் சான்றுடனே

சங்கதி சொல்லும் பகுத்தறிவாளரே!

எதையும் ஈரோட்டுக் கண்ணாடி வழி பார்க்கும் கடும் சிந்தனையாளரே!

வரலாறு சொல்லியே வம்பில்லாமல்

வாதம் செய்யும் மிதவாதியே!

நல்ல தமிழை நயமாகப் பேசும் தமிழ்ப் பேராசிரியரே!

தமிழ் வழி, தொழில்நுட்பம் வழி, உங்களை வந்தடைந்ததில்

தாளாத திகட்டாத இன்பம் எங்களுக்கு!!!